Го кренаа гласот и тенисерите: Сите имаме животи и надвор од тенисот!

Предводени од Шпанецот Карлос Алкараз по фудбалерите со реакции за густиот распоред се јавија и тенисерите.

Во својата последна изјава за медиумите шпанскиот ас коментира дека распоредот на важни турнир е прегуст што доведува до повеќе повреди кај тенисерите.

„Голем број од тенисерите сметаат дека има многу задолжителни турнир, а во иднина би можело да има повеќе. Така буквално не убиваат и поради има се повеќе повредени играчи. Во еден момент тенисерите ќе мораат да прескокнуваат турнири за да одморат и да поминат повеќе време со семејството, сите имаме животи и надвор од тенисот“, изјави Алкараз.

Но, по оваа изјава на Шпанецот многумина не пропуштија да му коментираат дека најдобрите тенисери во текот на годината често пати играат и на неофицијални и незадолжителни турнири каде што главен мотив е подобрата зарбаотка.