Голема судиска грешка на ЕП. Признаен гол постигнат со осум на паркетот

Ракометарите на Данска вчера ја запишаа третата победа во групната фаза откако ја совладаа Португалија со 37:27, со што ќе пренесат два бода во следната фаза од натпреварувањето.

Натпреварот го одбележа и голем превид на судијата, поради што беше признаен гол кој не требаше да биде.

Во вториот дел од првото полувреме Португалците тргнаа во контранапад откако го одбранија сопствениот гол.

Проблемот е што тоа го направија со осум играчи на теренот, односно голманот и седуммина во поле.

Постигнатиот гол за намалување на резултатот при 12:15 го признаа судиите. Данската клупа реагираше и побара голот да биде поништен. Тоа не помогна.