Гатузо: Не е нормално, играчите на Гранада само лежеа по теренот

Тренерот на Наполи, Џенаро Гатузо беше нервозен од играчите на Гранада.

Наполи славеше 2:1, но тоа не беше доволно за пласман во осминафиналето.

„Дозволете ми да објаснам како тоа изгледаше. Во првото полувреме имавме само 16-17 минути активна игра. Тоа не е нормално. А потоа ќе речат дека Италијанците лежат на теренот. Доколку тоа го направеше некој од нашите тимови, ќе ги ставеа на столбот на срамот, ќе бевме на сите насловници во Европа.“ – рече Гатузо.

После оваа елиминација, Гатузо најверојатно ќе заработи отказ.