Гатузо има две трансфер желби во јануари

Џенаро Гатузо седна на клупата на Наполи и утре ќе дебитира против Парма, а италијанските медиуми откриваат кои се неговите планови во зимскиот трансфер период.

Гатузо е задоволен со тимот кој го има на располагање и нема да прави големи промени оваа зима, но има две трансфер желби во јануари.

Првата е играчот за врска на Верона, Софијан Амрабат кој оваа сезона игра одлично и го привлече вниманието на големите клубови. Наполи веќе испратил понуда од 12 милиони евра плус бонуси, па се очекува двата клуба наскоро да постигнат договор.

Втората желба е левиот бек на Милан, Рикардо Родригез кој го загуби местото во првиот тим на „росонерите“ и е на излезна врата од „Сан Сиро“.