Во Јунајтед убедени: Мурињо заминува и тоа поради Гвардиола!

Помеѓу раководството на Манчестер Јунајде владее се поголемо убедување дека Жозе Мурињо наскоро ќе го напушти клубот од „Олд Трафорд“.

Како што наведува „Тhe Sun“ директорите на Јунајтед се скоро сигурни дека Мурињо следното лето ја напушти клупата на „црвените ѓаволи“ и ќе премине во редовите на ПСЖ.

Иако официјалните информации говорат дека Мурињо е верен на Манчестер Јунајтед извори на „Тhe Sun“ тврдат дека „Специјалниот“ отворено „флертува“ со клубот од Париз и богатите сопственици.

Како причина реномираниот англиски весник ја наведува огромната финансиска моќ на ПСЖ која на Мурињо би овозможила создавање на супер-тим, иако ПСЖ и оваа сезона го има еден од најдобрите тимови во Европа, но наводно „специјалниот“ смета и дека Манчестер Јунајтед не ќе може да парира на градскиот ривал Манчестер Сити кој полека создава навистина моќен тим.