Во последен момент ја одби Рома поради понуда од Саудиска Арабија

Бразилскиот фудбалер Бернар до крајот на зимскиот преоден рок скоро сигурно ќе го напушти Евертон.

Бернар во досегашниот дел од сезоната одигра само 11 натпревари во сите натпреварувања и јасно е дека не е во прв план на Карло Анчелоти.

За неговото заминување се шпекулира веќе некое време, а се чинеше дека Бернар кариерата може да ја продолжи во Серија А во дресот на Рома.

Меѓутоа, од тоа нема да биде ништо бидејќи Бразилецот одлучи негова следна дестинација да биде Саудиска Арабија. Тој ги договори сите услови со екипата на Ал-Наср и се очекува во следните денови трансферот да биде реализиран.

Рома имаше намера да го донесе Бразилецот, но тој се одлучи за Саудиска Арабија поради финански подобрата понуда.