Војчех Шчесни е голманот со најдобар старт во историјата на Јувентус!

Изгледа дека клубот направи вистински избор.

Многумина стравуваа кога легендарниот Џанлуиџи Буфон одлучи да го напушти Јувентус и да се пресели во ПСЖ.

Навивачи не беа убедени дека клубот ќе пронајде достојна замена, но како што времето одминува изгледа дека сепак Јувентус пронајде одлично решение.

Војчех Шчесни го брани голот на „старата дама“ од почетокот на сезоната и во целост ги оправда очекувањата.

На 40 натпревари за Јувентус полскиот голман својата мрежа ја сочува на 24 настапи и запиша само двап орази!

Ова е официјално најдобриот просек на некој голман на „Бјанконерите“ во неговите први 40 настапи.

Ако се знае дека редовно секогаш имал фантастични голмани, Шчесни и тоа како треба да се гордее со овој податок.