Вонредна прес-конференција: ФК Вардар ќе открие кој му свртел грб на клубот на народот!

Од ФК Вардар најавија вонредна прес-конференција која ќе се одржи во прес-салата при СЦ Јане Сандански во Аеродром.

На прес-конференцијата од клубот најавија дека ќе ја откријата целата вистина за лошата состојба.

„Во петок (29.09.2023) закажуваме вонредна прес-конференција, која ќе се одржи во просториите на прес-салата при СЦ Јане Сандански, во населбата Аеродром, а која симболично ќе започне во 5 за 12, односно во 11:55ч.

Ги повикуваме сите медиуми и навивачи да дојдат, со цел да бидат запознаени со целокупната вистина. Време е да им го честитаме последното место на табелата, на тие кои ветија дека ќе бидат тука и ќе помогнат, а кои на крајот му го свртеа грбот на клубот на народот!“, објавија од Вардар.