ВИДЕО: Пет гола и победа на Палас против Манчестер Сити – два од нив беа ремек-дела!

Денес од 18:00 часот се одиграа шест натпревари во англиската Премиер лига во кои видовме две изненадувања.

Кристал Палас на гостински терен го совлада Манчестер Сити со 2:3 и така го остави Ливерпул со четири бодови предност на лидерската позиција.

Сити добро го отвори натпреварот, Гундоган погоди за 1:0 во 27-та минута. Но во период од само две минути од 33-та до 35-тата Кристал Палас постигна два погодоци. Прво Шлуп изедначи, а потоа следуваше спектакуларен гол на Таусенд.

Со предност од 1:2 Кристал Палас замина на паузата.

Миливојевиќ во 51-та минута од пенал зголеми на 1:3. Сити се обидуваше, но никако не успеваше да го пронајде патот до противничката мрежа. На крајот сепак успеаа преку Де Брујн кој на пет минути пред крајот погоди за 2:3.

Второто изненадување го приреди Лестер кој исто така гостински терен го совлада Челзи со 0:1.

Останати резултати:

Бурнемоут – Брајтон 2:0

Хадерсфилд – Саутемптон 1:3

Њукасл – Фулам 0:0

Вест Хем – Вотфорд 0:2