ВИДЕО: Дончиќ одново одличен, но без поддршка не можеше против Сан Антонио

Лука Дончиќ зад себе во НБА лигата има уште една одлична ноќ.

Далас Маверикс не успеа да ги победи Поповиќ и Спарсите. Сепак, Дончиќ продолжи со фантастичните настапи. Словенецот овој пат од 21 шут постигна 25 поени.

Спарсите го победија Далас со 105:101, а Дончиќ со споменатите 25 поени беше најефикасен на паркетот, подели и осум асистенции. Проблем е што немаше поддршка од останатите, Фини-Смит додаде 12, а Харисон Барнс 11 поени. Кај победничкиот тим најефикасен беше Марко Белинели со 17 поени, а по 14 постигнаа Дерозан, Милс и Геј.

Далас на стартот од натпреварот направи преднсот од дури +19, подоцна Спарсите се вратија во натпреварот и успеаа да направат целосен пресврт.