Видео: Голден Стејт без пораз во финале!

Кошаркарите на Голден Стејт Вориорс на доминантен начин, без ниту еден пораз, изборија пласман во големото финале во НБА лигата.

Вориорс, трите серии на Западот (Портланд, Јута, Сан Антонио) ги добија со максимален резултат и со 12 победи без пораз се пласираа во големото финале.

Четвртиот натпревар во Сан Антонио не донесе никаква неизвесност. Вориорс рутински во првиот дел одржуваа двоцифрена предност, а мечот го решија во третата четвртина кога со серија од десет поени се оддалечија од противникот на 22 поени.

Сан Антонио без првата ѕвезда, Кавај Ленард, кој на првиот меч од оваа серија ја обнови повредата на скочниот зглоб, едноставно немаше решение за ѕвездите на Голден Стејт.

Стеф Кари со 36 поени, односно Кевин Дурент со 29 поени и 12 скокови го предводеа Голден Стејт. На спортивната страна се истакна Кајл Андерсон со 20 поени, а ветеранот Ману Џинобили постигна 15 поени.