Со одличните игри на Светското првенство во Русија, Вида го привлече вниманието кон себе.
Хрватскиот дефанзивец во моментов е член на Бешикташ, а иако во овој тим е само шест месеци, тие се подготвени да ги слушнат сите понуди. Ливерпул прв се јави. Понудија 22 милиони евра, но истанбулскиот клуб тоа го одби и бара осум милиони повеќе, па сега повторно е на потег Јирген Клоп.
Шанса да станеш YouTuber! Приклучи се! ↓↓↓
Од другата страна наводно е одбиена и понуда од Фулам. Сумата која е испратена не е позната, но тоа не е се од понудите кои пристигнаа на адресата на Бешикташ. Вида во своите редови би сакале да го видат и Монако и Вест Хем. Овие два тима се подготвени да се вклучат во борбата за неговиот потпис и хрватскиот фудбалер ќе има слатки маки при изборот на новиот клуб.
Одличниот дефанзивец пред Бешикташ играше за Динамо Загреб и Киев, Баер Леверкузен и Осиек.