Вернер: Секогаш ни е тешко против тимови како Македонија

Германија вечерва ја победи Македонија со убедливи 4:0, а два гола постигна Тимо Вернер.

Вернер двата гола ги постигна во второто полувреме во период од три минути (70. и 73 минута).

„Постојат тимови против кои секогаш ни е тешко да играме во првата фаза, а Македониј е еден од тие тимови. Добро е што не примивме гол. Имаше незгодни ситуации, но откако поведовме, работите одеа полесно за нас. Имам одлична соработка со селекторот, тој верува во моите квалитети и среќен сум што на ваков начин возвратив за довербата“, изјави Вернер.

Германија со оваа победа го обезбеди пласманот на Мундијалот во Катар кој ќе се игра нареднат година.