Ван Перси се спореди со Санчез: Мене ми беше лесно, во Јунајтед дојдов на готово

Поранешниот напаѓач на Арсенал и Манчестер Јунајтед, Робин Ван Перси зборуваше за ситуацијата на Алексис Санечез на „Олд Трафорд“.

Чилеанецот во Манчестер Јунајтед пристигна во јануари 2018 година од Арсенал и имаше проблеми со повредите, па на 45 натпревари постигна само пет голови и не ги оправда очекувањата и парите вложени во него.

„Не ми изгледа среќно, во Арсенал беше среќен во Јунајтед не е. Она што го видов и што го почуствував во изминатите години е тоа дека среќата и тоа како има големо влијание на играта на теренот. Ако си среќен тогаш си веќе 50% спремен. Неговиот проблем веројатно е психолошки“.

„Сега времето е поинакво. Во последните неколку години работите многу се променија. Навивачите преку друштвените мрежи лесно го искажуваат своето мислење, тој е под констатни критики поради неговата плата. Се околу него е негативно, па и тој е негативен и во таква ситуација е тешко да се прикажете во најдобро светло“.

„Кога јас дојдов во Јунајтед не ми беше како што му е на него денес. Јас дојдов во веќе изграден тим со зрели играчи како Фердинанд, Сколс, Видиќ, Гигс, Керик…Во Арсенал бев помеѓу постарите и капитен, а во Јунајтед можев да уживам затоа што другите работи беа средени, практично дојдов на готово. Не размислував за последиците, немав друштвени работи и до мене не допираше никаква негативна енергија“, изјави Ван Перси.