Ван Дајк го одби “невозможното“ и станува најплатен играч во историјата на Ливерпул

Холандскиот репрезентативец Вирџил ван Дајк станува најплатениот фудбалер на Ливерпул.

Тој го одбил “невозможното“ од Париз, па одлучил да потпише нов договор со Црвените со кој неделно ќе заработува 250.000 евра.

Не се познати деталите во понудата од ПСЖ, но се смета за рекорд за еден дефанзивец, но во Ливерпул не сакаат ни да помислат да го загубат, па му понудиле нов, подобар договор.

Овој 28-годишен фудбалер во Ливерпул дојде во 2018. година во трансфер вреден 80 милиони евра и брзо стана клучен играч во тимот со кој ја освои ЛШ, а на пат е да ја освои и ПЛ оваа сезона.

Во досегашните одиграни 113 натпревари постигна 11 погодоци и се смета за еден од најдобрите дефанзивци на светот. Според некои и најдобриот.