Ванда: Не сум со Икарди поради пари

Ванда Нара често пати ја критикуваат поради нејзините одлуки и потези, но таа упорно ги одбива тие напади и се претставува како моќна жена која знае што сака во животот.

Како што е добро познато таа е менаџерка на нејзиниот сопруг Мауро Икарди кој во овој момент го носи дресот на ПСЖ како позајмен фудбалер од Интер.

„Некогаш се лутам затоа што некои луѓе знаат да ми кажат дека сум му ја уништила кариерата на Мауро, но моите одлуки, дури и оние кои не ми се допаднале на крајот се покажале како исправни. Сите мислат дека со Мауро сум поради неговите пари, но јас бев богата и пред да се запознаеме. Бев богата затоа што се борев за тоа“, изјави Ванда.

Таа призна дека е „патник со куфер во рацете“ бидејќи често е во авион и ги менува дестинациите.

„Мојот куфер секогаш е спремен. Кога отидов во Париз беше четврток. Поминавме викенд заедно, додека веќе понеделник се разбудив во Милано и видов пет деца. Не беше лесно“, порача Ванда на крајот од интервјуто.