Бурно било во Рим по дербито: Мурињо и Лотито влегле во дуел!

Тензично беше вчера во римското дерби кое на крајот го доби Лацио со 1:0, а Рома еден час играше со фудбалер помалку откако Ибањез доби втор жолт картон и беше исклучен.,

Црвени картони се делеа и во стручниот штаб, а и по натпреварот. „Газета дело Спорт“ пишува дека имало и трето полувреме во тунелот во подтрибинскиот простор.

Алесио Ромањоли славел пред соблекувалната на Рома и предизвикал реакција на Џанлука Манчини и двајцата влегле во расправија. Тука бил и Лотито кој се обидел да ги раздели, набрзо дошол и Мурињо кој не го водеше својот тим поради суспензија.

„Што гледаш?“, му одговорил Мурињо на Лотито, кој на тоа возвратил: „Кој си ти? Ова е мојот дом и ти не треба да бидеш тука!“.

Во целата ситуација интервенирал Тиаго Пинто кој ги разделил. Дуел имал и Луис Алберто со Салваторе Фоти, помошникот на Мурињо.