Арсенал сака да ја „украде“ големата желба на Јувентус

Арсенал покажува силен интерес за ѕведата на Сасуоло и италијански репрезентативец, Мануел Локатели.

Локатели после одличната сезона во Серија А блеска и на ЕУРО, па го привлече вниманието на многу клубови.

Јувентус веќе започна преговори за негов трансфер во Торино, но сега во трката за неговиот потпис се приклучи и Арсенал.

Спортскиот директор на Сасуоло, Џовани Карневали потврди дека Арсенал веќе испратил понуда за Локатели.

„Јувентус е единствениот италијански клуб, кој почна преговори со нас за Локатели. Вистина е дека имаме понуда за Локатели и од еден странски клуб, а тоа е Арсенал. Тоа е единствениот клуб, кој испрати конкретна понуда и веќе ја разгледуваме“, изјави Карневали.

Сасуоло во овој момент бара повеќе од 40 милиони евра за слободата на италијанскиот плејмејкер.