Арсенал понуди, Санчез одговори – Еве што бара за нов договор!

Само неколку дена откако Арсен Венгер констатираше дека, Алексис Санчез, не е како Фелипе Кутињо, ни пристигна интересна информација.

Алексис Санчез одби уште една понуда од Арсенал. „Топџиите“ на Чилеанецот му понудија договор вреден 300.000 фунти неделно, односно според кој Санчез би добива 17 милиони евра по сезона.

Венгер тврдеше дека Чилеанецот не е како Кутињо и дека го сака Арсенал, како и дека нема да форсира негово заминување.

Сепак, Јужноамериканецот изгледа дека има некои други планови. Имено, Санчез од Арсенал побара договор од 400.000 фунти неделно, иако е јасно дека таквата понуда нема да ја има ниту во случај на трансфер во Сити наредното лето.

Со сумата која Санчез ја бара од Арсенал би станал далеку најплатен фудбалер во лигата.