Рафиња ја реши средбата и му испрати порака на Анчелоти: Го сакаме Нејмар со нас на СП

По одлуката на Карло Анчелоти (66) да го изостави Нејмар (34) од списокот на бразилската репрезентација, оваа вест брзо се прошири низ фудбалскиот свет. Селекторот јасно порача дека поранешната ѕвезда на Барселона нема да биде повикана доколку не биде “сто проценти подготвена”, но еден од најдобрите фудбалери во светот застана на страната на Нејмар.

Откако постигна два гола и оствари две асистенции во триумфот на Барселона против Њукасл Јунајтед со 7:2, со што обезбедија пласман во четврт-финалето на Лигата на шампионите, Рафиња (29) беше прашан за отсуството на неговиот сонародник од уште еден репрезентативен список.

Во интервју за TNT по натпреварот, Рафиња изјави: “Се надевам дека ќе го видам на Светското првенство. Тој е извонреден играч – никој не се сомнева во неговите квалитети на теренот и во она што може да го направи. Може сам да реши натпревар, па дури и Светско првенство. Како соиграч и како навивач, се надевам дека повторно ќе го видам Нејмар во дресот на репрезентацијата како игра со нас на Светското првенство.”