Анчелоти го носи Локатели во Реал Мадрид

Карло Анчелоти се врати на клупата на Реал Мадрид, веќе разговарал со Флорентино Перез и ја посочил првата трансфер желба.

Анчелоти сака да го подмлади средниот ред и да донесе алтернатива за Модриќ, кој сигурно ќе остане и следната сезона, но веќе има 35 години.

Италијанскиот медиуми пишуваат дека наследник на Модриќ ќе дојде од Серија А, а станува збор за Мануел Локатели.

Италијанскиот репрезентативец важи за голем талент и е голема трансфер желба на Јувентус, но после блескавите партии на ЕУРО во трката се вклучи и Реал Мадрид.

„Старата дама“ не е спремна да плати 40 милиони евра, па ситуацијата сака да ја искористи Реал и да му ја исполни желбата на Анчелоти.