Ако не може Влаховиќ, Арсенал тргнува по друг Србин

Српскиот напаѓач Душан Влаховиќ ќе ја продолжи кариерата во Јувентус оваа зима, а се очекува договорот да биде комплетиран во следните неколку денови.

Желбата на Влаховиќ е да се пресели во Јувентус, иако тоа може да му направи проблеми, затоа што навивачите на Фиорентина нема да му простат таков потег.

Најдобриот стрелец во Серија А беше на листата со желби и на Арсенал, но реши да остане во Италија, па сега премиерлигашот ќе се обиде да ангажира друг српски репрезентативец, а изборот паднал на Лука Јовиќ.

Реал Мадрид го купи Јовиќ за 60 милиони евра од Ајнтрахт Франкфурт, но Србинот е големо разочарување, па сега Арсенал ќе се обиде да го ангажира и да му помогне да ја оживее кариерата.