Адеми: Мурињо не знае многу за нас, тоа може да биде нашата предност

Toтенхем предводен од Мурињо во Лигата на Европа ќе игра против Динамо Загреб.

Тимот на Адеми и Ристовски го доби еден од најтешките можни противници во осминафиналната фаза. Сепак играчите на Динамо сигурно нема да излезат со бело знаме на теренот.

„Ќе излеземе со кренати глави и ќе дадеме се од себе. Тотенхем е во топ 3 екипи во Англија и тешка работа е пред нас. Опасни се од сите страни и ќе морае сите многу да и помагаме на одбраната. Спокојни сме направивме големи работи, притисок нема. Свесни сме со кого играме. Мурињо е роден победник, но наша предност може да биде тоа што не знаат многу за нас“, изјави Адеми.

Првиот натпревар Тотенхем и Динамо го играат во четврток во Лондон, а реваншот е седум дена подоцна во Загреб.