Аврамовски: Навивачите ни се ветер во грб, нека дојдат сите 10.000 со Словенија!

За медиумите денес од репрезрентативците зборуваше Даниел Аврамовски кој како и останатире вети голема борба за репрезентативниот дрес.

Како што одминува време возбудата помеѓу навивачите, но и помеѓу фудбалерите од ден во ден расте.

„Нормално, возбудата е голема. Ја со младата селекција имам настап на Европското првенство, но сега ова е нешто друго затоа што станува збор за А-тимот. Се надеваме на голем успех, но крајот го краси делото. Позитивната трема се чувствува и сите со нетрпение го чекаме стартот, мотивацијата е на највисоко ниво. Наше е да работиме и да го спроведеме она што го бара селекторот, успехот сигурно ќе дојде“.

Македонија во вторник против Словенија ќе игра пријателски, а за овој натпревар ќе биде дозволено влез на 10.000 публика.

„Кога играме пред нашите навивачи тоа ни е ветер во грб, се надевам дека ќе бидат продадени сите 10.000 влезници и ќе ја имаме таа поддршка. Има голема еуфорија воцелата земја, не контактираа луѓе сакаат да дојдат и да навиваат за нас. Можам да ветам дека ќе гинеме на теренот за да ги израдуваме сите“, изјави Аврамовски.

Фото: ФФМ