Њукасл го враќа Трипие во Премиер лигата

Киран Трипие има намера да го напушти Атлетико Мадрид, а би можел да се врати во Англија во редовите на Њукасл.

Њукасл со новите сопственици стана најбогатиот клуб во светот и главна цел на овој тим прво ќе биде да се доведат засилувања за да се избори опстанок во Премер лигата.

Трипие сега би можел да биде едно од првите големи засилувања на „црно-белите“ кои за него би платиле сума од околу 25 милиони фунти.

Во редовите на Атлетико, Трипие стигна во 2019 година од Тотенхем за 20 милиони фунти и од тој момент одигра 83 натпревари.