Ѓоргиев лут за смената Матијашевиќ: Срамота е и греота!

Најдобриот македонски одбојкар Никола Ѓоргиев испрати критики до Одбојкарската федерација на Македонија откако денес беше сменет селекторот Никола Матијашевиќ, а на негово место е поставен Душко Николиќ.

За Ѓоргиев смената на Матијашевиќ е срамна, затоа што пред две години Македонија под негово водство дебитираше на едно Европско првенство,, а сега ја чека второто во септември.

„Срамота и греота е! Две Европски првенства, а пред четири години сонувавме за ЕП. Изгледа со некои луѓе во ОФМ сѐ е можно. Браво!“, напиша Ѓоргиев.