Ѓоковиќ на судијата: Ти немаш поим од судење!

Новак Ѓоковиќ ја забележа и третата победа на завршниот Мастерс во Лондон, но убедливиот триумф над Давид Гофан мина во сенка на неговата распртавија со судијата Фергус Марфи.

Во петтиот гем судијата го опомена Ѓоковиќ дека троши повеќе време од дозволеното во паузата меѓу првиот и вториот сервис. Србинот откако го освои гемот влезе во расправија со судијата.

„Колку долго судите? Она што се обидуваш да ми го направиш говори дека немаш поим од судење. Одигравме фантастичен поен, потоа го зедов пешкирот и можеби го надминав дозволеното време за прв пат и тоа за две-три секунди, а ти веднаш ме опоменуваш. Мислиш дека тоа е чесно“, му рече Ѓоковиќ на судијата Марфи.