Ѓоковиќ за разделбата со Вајда: Никогаш нема да можам ти се заблагодарам за се што направи за мене

После соработка од 15 години се разделија Новак Ѓоковиќ и Марјан Вајда.

Уште по завршувањето на ланската АТП завршница во Торино беше договорено Ѓоковиќ и Вајда да стават крај на соработката. Потврда за прекинувањето на соработката пристигна во текот на вчерашниот ден.

„Марјан со мене беше во најважните и незаборавни моменти во кариерата. Заедно постигнавме многу неверојатни работи и многу сум благодарен за неговото пријателство и посветеност во изминатите 15 години. Го напушташ мојот тим, но секогаш ќе останеш дел од моето семејство. Не можам да ти се заблагодарам за се што направи за мене“, изјави Новак.