Ѓоковиќ во два сета го збриша Џазири во Дубаи

Најдобриот тенисер во светот, Новак Ѓоковиќ лесно се пласираше во следното коло на турнирот во Дубаи.

Ѓоковиќ денес со 2:0 во сетови го победи Малек Џазири (6:1) (6:2). 259. тенисер на АТП листата немаше никаква шанса против тенисерот број еден во овој момент и успеа да освои само три гема, еден во првиот и два во вториот сет.

Ѓоковиќ доминираше во текот на целиот меч и за 61 минута ја заврши работата. Во следното коло ќе игра против Филип Колшрајбер кој го победи Сафват во три сета.