Чех денешната ждрепка за Лигата на Европа го направи еден од најсреќните (ФОТО)

Денес во Нион во Швајцарија беа извлечени паровите за осминафиналето во Лигата на Европа.

Ждрепката не донесе ниту едно дерби помеѓу фаворитите, но секако дека има интересни пресметки. Еден од натпреварите кој привлекува големо внимание е оној помеѓу Арсенал и Рен.

Овој натпревар посебно го радува голманот на Арсенал, Петар Чех кој на крајот од сезоната ќе стави крај на блескавата кариера.

Чех во својата голема кариера настапуваше и во редовите на Рен, клуб за кој голот го бранеше на 70 натпревари. Натпреварот ќе биде одлична можност за Чех да се прости и од фановите на својот поранешен клуб.

Среќата Чех ја покажа на својот Твитер профил каде што искажа голема благодарност до Андрес Палоп. Голманот кој учествуваше во извлекувањето на паровите.

„Кога еден голман учествува во ждрепката се случуваат убави работи“, гласеше пораката на Чех.

Пораката на Чех беше напишана на три јазици (шпански, француски, англиски). Така му се заблагодари на Палоп за тоа што неговиот сегашен клуб го состави Рен.

When a goalkeeper makes the draw good things happen!
Quand le gardien de but fait le tirage au sort les bonnes choses se passent !
Cuando el portero hace el sorteo buenas cosas pasan . Gracias .@Palop1 #gkunion ? pic.twitter.com/aLEheXxvpg

— Petr Cech (@PetrCech) February 22, 2019