Челзи – Манчестер Сити: „Сините“ во хаос, Сити изгледа незапирлив

Во финалето на ЕФЛ Купот играат Челзи – Манчестер Сити. Доколку овој меч се одиграше пред еден месец, тогаш ќе кажев дека шансите за трофејот се израмнети. Но сега, огромен фаворит за победа е Манчесер Сити.

Сари и Челзи се наоѓаат во хаос

Колку брзо работите можат да се променат, најдобро видоа навивачите на Челзи. Неодамна кога во ноември Челзи постигна победа од 3:1 над Кристал Палас, тимот беше само два бода одалечен од врвот. Тие на табелата се наоѓаа меѓу Манчестер Сити и Ливерпул и сите оправдано ги сметаа за кандидати за титулите во сите натпреварувања.

Но, откако изгубија пет од последните девет натпревари, дел во Премиер Лигата и два меча во куповите, се одалечија од титулите во сите натпреварувања. Од друга страна Сити го презеде врвот и сега тие и Ливерпул се единствени кандидати за трофејот во Премиер Лигата.

Сите аналитичари и фудбалски работници го величеа Сари и неговиот ангажман во Челзи. Но сега истите тие гледаат како Сари ја испушта контролата од своите раце, а Челзи запаѓа во хаос.

Тренерот страда од двојни обвиненија дека не е способен да го мотивира својот тим и дека нема контрола над ѕвездите во тимот. Уште повеќе, маката да биде поголема пред само десетина дена Челзи на Итихад кај Сити прими неверојатни 6 голови во својата мрежа. Од тогаш Челзи се наоѓа дури на 5-то место и сега му е загрозена и позицијата која води во Лигата на Шампиони.

Можеби малку доверба беше вратена со победата од 3:0 во Лигата на Европа против Малме во четвртокот. Но Малме е светлосни години подалеку од речиси сите премиерлигаши.

Неверојатна победничка серија на Сити

Манчестер Сити со неверојатен победлички слалом се искачи на првото место во Премиер Лигата. Од 30-ти декември тие победија на 13 од 14 натпревари во сите натпреварувања (изгубија само од Њукасл на гости со 2:1). Апетитите пораснаа и сега сакаат да ја освојат првата титула сезонава и се надеваат дека нема да биде последна. Тие имаа импресивен натпревар во средата кај Шалке во Лигата на Шампиони. На полувреме губеа со 2:1, па заработија црвен картон и со десет фудбалери во последните пет минути направија пресврт и славеа со 2:3. Тоа беше неверојатен меч за нив и ега Сити изгледа како екипа која тешко може да биде сопрена од било кој друг тим.

Иако овој трофеј се смета за најмалку гламурозен од четирите трофеи кои се на дофат на Сити, нивната цел е јасна. Тие сакаат трет трофеј во ЕФЛ Купот во последните четири години.

Сари си тера по старо и цврсто се држи до својот систем

Сари не е менаџер навикнат на промена на тактиката. Тој одлучно се држи до својата формација 4-3-3 и го користи скоро истиот почетен состав секоја недела. Сари не смета дека поразот од 6:0 против Сити на Етихад дојде поради тактички причини. Иако сите очекуваат да го промени својот пристап драматично, тоа нема да се случи и веројатно Челзи повторно ќе почне со истиот пристап.

Главното прашање е во улогата на средниот ред. Матео Ковачиќ е стандарден таму оваа сезона. Но Рос Баркли неодамна уживаше во неколку натпревари и постигна голови против Малме и дома и на гости. Тој направи една катастрофална грешка во поразот од Сити на Етихад, но тоа не треба да биде доволно за да го чини седнување на клупата на овој меч.

Фернандињо може повторно да има хибридна улога во средниот ред

Изборот на тимот на Пеп Гердиола како и секогаш е многу потешко да се предвиди. Не ни помага воопшто тоа што Џон Стоунс и Фабијан Делф најверојатно нема да настапат поради повреди. Сигурно нема да настапат Габриел Хесус и Менди.

Можеме да бидеме сигурни дека Кајл Вокер и Ајмерик Лапорте ќе бидат двајца од бековите кои ќе бидат пред Едерсон, но има и други несигурности. Фернандињо играше хибридна улога на играч од средниот ред против Челзи минатиот меч. Тој слична улога имаше и против Шалке во средината на неделата и сега може да ја повтори таа улога со Илкај Гундоган во средниот ред. Се друго во изборот на Гвардиола е нејасно, освен тоа што со сигурност ќе стартуваат Агуеро и Стерлинг.