Челзи ги прекинал преговорите со Мејсон Маунт

Раководството на Челзи ги прекинало преговорите со Мејсон Маунт за продолжување на договорот, пренесуваат англиските медиуми.

Двете страни долго време водат преговори, но без особен прогрес, бидејќи никој не сака да отстапи од своите позиции.

24-годишниот играч за врска, кој две години по ред беше избран за најдобар играч на Челзи, е еден од најмалку платените фудбалери на „Стенфорд Бриџ“.

Тој настојува на значително зголемување на платата како неговите колеги од репрезентацијата, односно 200.000 фунти неделно.

Челзи ги ставило „на пауза“ преговорите, а таквата ситуација предизвика интерес кај многу европски гиганти, пред се Манчестер Јунајтед и Ливерпул.

Сепак, Челзи не се откажува и наредните месеци ќе испрати нова понуда до неговите агенти.