Херојот Ливаковиќ: Не можам да опишам како се чувствувам!

Доминик Ливаковиќ денес повторно беше херој на Хрватска во победата на пенали против Бразил.

Ливаковиќ беше фантастичен во текот на целиот натпревар и мечот го завшри со 10 интервенции, двојно повеќе отколку што Алисон Бекер имаше во цело првенство. После натпреварот со Бразил секако дека светот сакаше да слушне што има да каже Ливаковиќ.

„Можеби Бразилците се најдобри во светот, но ние го оставивме срцето на терен. Никогаш не се предаваме, секогаш го даваме максимумот, некогаш и повеќе. Не можам да опишам како се чуствувам, но сите видовте дека не се предадовме кога примивме гол. Се боревме од почеток до крај, 120 минути“, истакна Ливаковиќ.

Ливаковиќ ќе потсетиме е соиграч на Стефан Ристовски и Аријан Адеми во Динамо Загреб.