Федерер не се откажува: Швајцарецот откри на кои турнири ќе настапи следната сезона

Легендарниот швајцарски тенисер Роџер Федерер ги откри плановите за следната сезона.

Како што претходно се најауваваше, Роџер ќе настапи на Олимписките игри во Токио, а пред тоа ќе настапи и на Роланд Гарос, кој беше под знак прашалник.

„Ќе играм на Роланд Гарос. Веројатно нема да настапам на многу турнири пред тао, посебно поради настапот на ОИ.“ – изјави Федерер и додаде:

„Во распоредот ќе бидат Роланд Гарос, Хале, Вимблдон, Олимписките игри, а после тоа можеби Синсинати и УС Опен.“

Швајцарецот уште еднаш ги отфрли шпекулациите за пензионирање иако многумина сметаат дека следната година ќе настапи на Роланд Гарос за да се опрости од публиката.

„Кога сте здрави, како што сум јас, тогаш сакате да играте.“ – додаде Роџер.