![bolt](https://sportski.mk/wp-content/uploads/2018/10/bolt10.18-850x491.jpg)
Најголемиот спринтер на сите времиња, Јамајканецот Усаин Болт би можел да добие шанса да заигра и за својата репрезентација.
Имено, претседателот на Фудбалскиот сојуз на Јамајка, Мајкл Рикетс би сакал да го види Болт во репрезентацијата.
Лига Нации: Се освен прво место ќе биде катастрофа за Македонија! ↓↓↓
„Малку сум разочаран што не потпиша за некој клуб од Јамајка. Ако се покаже доволно добар за нашата репрезентација сигурно ќе добие повик. Засега го следиме неговиот напредок. Тренерот ќе донесе одлука, а ние би сакале да ги видиме во вистински, сериозен натпревар“, изјави Рикетс.
Легендарниот атлетичар на 32 години тренира и игра пријателски натпревари за австралискиот Централ Кост Мартинерс, но поради неговите високи барања веројатно нема да потпише професионален договор.
„Усаин има посебен квалитет поради брзината. Кога на тоа би додал уште малку вештина и убавина во играта би можел да биде големо засилување за нашата репрезентација. Веќе разговарав со некои наши играчи и тие се возбудени од помислата дека Болт може да заигра со нив. Ако направи транзиција од атлетска супер ѕвезда во добар фудбалер, сигурно ќе добие повик“, заклучи првиот човек на Фудбалскиот сојуз на Јамајка.