Македонија во март ја чека баражот со Италија за Светското првенство, а доколку нема промени тој натпревар ќе се игра во Палермо, клубот каде што Александар Трајковски помина четири години.
Трајковски на Сицилија дојде од белгискиот Зулте Варагем во 2015 година и беше во клубот до 2019 година кога мораше да си замине после банкротот на клубот. Во дресот на Палермо запиша 113 настапи во Серија А и Сербија Б. Од Палермо како слободен фудбалер премина во Мајорка, а денес игра во Алборг.
Сакаш да снимаш видеа и да заработуваш од тоа? ТЕБЕ ТЕ БАРАМЕ! ↓↓↓
Напаѓачот порача дека со нетрпение го чека баражот во градот кој останал во неговото срце и тоа за него ќе биде посебен натпревар.
„Натпреварот на „Ренцо Барбера“ за мене ќе биде враќање дома. На овој стадион одиграв повеќе од 50 натпревари за Палермо и секако ќе имам посебни емоции. Мислам дека така ќе биде и за Несто. Освен тоа играме против европскиот шампион и сигурно дека не чека тешка задача. Сите имаме голема желба да оствариме позитивен резултат и да испишеме нова страница во македонската фудбалска историја“, изјави Трајковски.
Ќе потсетиме покрај Трајковски, убав период во Палермо помина и Илија Несторовски.
Фото: ФФМ
Учество во игри на среќа е дозволено за лица со 18+ години. Играј одговорно!