Трапановски: Се надевам дека селекторот ги следи нашите настапи во Данди

Кристијан Трапановски и Давид Бабунски имаат одличен старт на сезоната со Данди Јунајтед.

Трапановски три пати до сега ја затресе мрежата на ривалите и може да се пофали со уште две асистенции.

Трапановски за британски „Телеграф“ вели дека е среќен како почна неговата одисеја во Шкотска, а верува дека во блиска иднина ќе игра во репрезентацијата на Македонија.

„Првпат играм во ист тим со Давид, кој е одличен фудбалер за што доказ се и десетте години минати во Барселона. Верувам и посакувам вака заедно да играме и за Македонија. Се надевам дека селекторот Милевски ги следи нашите натпреварите на Данди. Пресреќен сум што постигнав веќе три гола за тимот“, изјави Трапановски.