Тилеманс се сели во Серија А

Плејмејкерот на Лестер, Јури Тилеманс ќе биде еден од најбараните фудбалери на трансфер пазарот ова лето.

Неговиот договор истекува на крајот на сезоната и Тилеманс како слободен агент ќе го напушти клубот.

Милан и Јувентус веќе ја почнаа битката за неговиот потпис и стапиле во контакт со неговиот агент.

Италијанските гиганти сакаат да ја победат конкурецијата од премиерлигашите и да го доведат во Серија А.

Тиленас минатото лето беше на мета на Барселона, Арсенал и Манчестер Јунајтед, но после просечната сезона интересот на овие клубови не е така силен.

Поради тоа голема е веројатноста Белгиецот да се пресели во Серија А, само останува да видиме дали во Милано или Торино.