Стигна потврдата: Милан и Гатузо во големи проблеми

Како да нема крај на проблемите за „росонерите“.

Вчера италијанските медиуми пренесоа дека Алесио Ромањоли заработил повреда на тренингот на репрезентацијата.

Тој го напуштил репрезентативниот камп и бил заменет од Ачерби, а сега е објавено колку долго стоперот ќе биде надвор од теренот.

Имено, Ромањоли го чека пауза од еден месец, што Милан го става во многу незгодна положба.

Освен него надвор од тимот се Мусакио и Калдара, па Гатузо од централните дефанзивци на располагање ги има само искусниот Запата и младиот Симиќ.

Веќе во наредното коло ги очекува важен натпревар против Лацио, потоа играат против Дунделаж во ЛЕ, па Парма и Торино во Серија А, додека на 13 декември ќе ги одмерат силите со Олимпијакос во Лигата на Европа.

После овие натпревари Ромањоли би требало да се врати на теренот, а до тогаш на позицијата стопер Гатузо би можел да користи некој од Рикардо Родригез или Франк Кеси.

Сепак, со оглед на тоа дека во средниот ред повредени се Биља и Бонавентура тешко дека Гатузо ќе го прекомандува Кеси во последната линија.