Стигнаа резултатите: Агуеро има срцева аритмија

Серхио Агуеро вчера против Алавес беше заменет во 41. минута од натпреварот поради вртоглавица и отежнато дишење.

Аргентинецот целата итно беше пренесен во болница каде што му беа направени тестирања. Денес стигнаа резултатите од прегледите и се покажа дека Агуеро има срцева аритмија, односно на моменти срцето му работи неправилно – пребрзо или пребавно.

Според информациите од Барселона Агуеро се чувствува добро, мирен е и ја сфаќа ситуацијата во која се најде. Веројатно одреден период ќе одмара и нема да патува со екипата на натпреварот со Динамо во Киев.