Спалети се договори со Милан, се очекува само официјализација

Италијанските медиуми пренесуваат дека Лучијано Спалети наскоро и официјално ќе биде именуван за нов тренер на Милан.

Милан на катастрофален начин ја отвори сезоната и после првите седум кола веќе има три порази, па реши да му даде отказ на тренерот Џампаоло.

Милан во последното коло ја победи Џенова во трилер натпревар, но играше лошо, па раководството не е задоволно од работата на тренерот и од изборот на играчи кои ги прави.

„Скај Спорт“ пренесува дека веќе е донесена одлука и Џампаоло денес официјално ќе добие отказ, а клубот моментално преговара за негов наследник.

Најновите информации се дека „росонерите“ постигнале договор со Лучијано Спалети, кој се согласил да седне на „жешкото“ столче.

Во моментов се водат преговори помеѓу тренерот и Интер, бидејќи Спалети е се уште на платен список кај „нероаѕурите“, кои се спремни веднаш да го ослободат за да ја заштедат неговата плата.

Италијанските медиуми тврдат дека во следните 24 часа сите административни работи ќе бидат решени и Спалети ќе биде назначен за нов тренер на Милан.

⚠ #UltimOra #Milan
✅ Luciano #Spalletti ha detto sì al #Milan
? Si cerca l'intesa economica con l'#Inter#SkySerieA pic.twitter.com/6VEjV35KBV

— Sky Sport (@SkySport) October 7, 2019