Славен Билиќ брзо пронајде нов клуб по отказот во ВБА

Славен Билиќ стана нов тренер на кинескиот клуб, Бејинг Гуоан.

Хрватскиот стратег потпиша договор на две години и го наследи Бруно Генеси на кој клубот му се заблагодари за соработката.

Кинескиот прволигаш минатата сезона ја заврши со поразот во полуфиналето на натпреварувањето во оваа земја, додека во азиската Лига на шампионите како првопласиран клуб избори пласман од групната фаза.

Не е познато колку Билиќ заработува во Кина, но веројатно цифрата не е мала.

Ќе потсетиме, неодамна Билиќ доби отказ од ВБА, а претходно беше тренер на Бешикташ, Ал-Итихад, Локомотив Москва, Хајдук, а едно време ја водеше и селекцијата на Хрватска.