Симеоне јасен: Никогаш во Реал Мадрид!

Тренерот на Атлетико Мадрид, Диего Симеоне истакна дека никогаш нема да биде тренер на Реал Мадрид, но исто така убеден е дека „кралевите“ никогаш не би го повикале.

„Никогаш нема да бидам тренер на Реал, иако досега мене никој не ми го понудил тоа. Тоа е прашање на чувство и почит. Меѓутоа би можел да работам во некоја друга шпанска екипа“, изјави Симеоне.

Пред почетокот на оваа сезона шпанските медиуми шпекулираа дека Симеоне би можел да го напушти Атлетико, а најголем интерес за негов евентуален ангажман покажува Интер.

Аргентинецот неодамна ги демантираше шепкулациите и потврди дека сигурно и во наредната сезона ќе седи на клупата на Атлетико.