Се поизвесно е заминување на Салах од Енфилд: Два клуба во пол позиција

Островските медиуми неодамна лансираа вест дека Мохамед Салах може по крајот на сезоната да го напушти Ливерпул и да се пресели во редовите на Челси.

Оваа информација доби уште повеќе на тежина откако Црвените воспоставиле контакти со Бамфорд и Санчо, што значи дека нападот на тимот од Енфилд наредната сезона може да доживее значајни промени.

Салах од поодамна се поврзува и со ПСЖ. Le Parisien пренесува дека Салах може да ја продолжи кариерата во ПСЖ, каде го гледаат како идеална замена за Килијан Мбапе, кој од друга страна е на излезните врати.

Сепак, 29-годишниот играч на Ливерпул е голема желба и на Томас Тухел, кој го посакува Салах по секоја цена на Стемфорд Бриџ.

Според некои информации трансферот би требало да чини околу 100 милиони евра. Прашање е дали ова е цифра која ќе ги задоволи Црвените. Салах со Ливерпул има договор до јуни 2023. година, а моменталната вредност според трасфермаркт се проценува на 110 милиони евра.