Тиери е Анри е голема легенда на Арсенал и за тоа не треба да се трошат многу зборови, но се можело да биде поинаку ако Сер Алекс Фергусон сакал да го доведе во Манчестер Јунајтед.
На почетоците на новиот век Арсенал и Манчестер Јунајтед беа најсилните тимови во Англија и нивното ривалство беше огромно, а во тоа време токму Анри беше прва ѕвезда на тимот на Венгер. Францускиот голгетер беше постојана закана за голот на Јунајтед во меѓусебните натпревари. Сега поранешниот телохранител на Фергусон, Нед Кели откри дека Анри сакал да се пресели во Манчестер Јунајтед.
Александар Вучковски - сомелиер: Како македонските вина го освојуваат светот? ↓↓↓
Нед Кели подоцна беше шеф на обезбедувањето на „Олд Трафорд“, додека на почетоците работеше како телохранител на Ферги. Тој откри дека Анри пред да се пресели во Арсенал сакал да го облече дресот на Јунајтед.
„По еден натпревар во Премиер лигата во тунелот ми заѕвони телефонот. Тоа беше постариот брат на Кантона, Жан Мари. Тој ми кажа: Нед, Тиери сака да дојде во Јунајтед кажи му на Фергусон. Ова секако беше пред да се пресели во Арсенал“.
„Нормално јас отидов кај шефот и му кажав што ми кажа Жан Мари Кантона. Меѓутоа Фергусон кратко ми одговори: Нема шанси да го земам, цело време е повреден. Така Арсенал ја искористи приликата и подоцна го доведе“, откри Кели.
Учество во игри на среќа е дозволено за лица со 18+ години. Играј одговорно!