Роналдо јавно го повика Меси да дојде во Италија!

Ѕвездата на Јувентус, Кристиано Роналдо јавно го повика својот вечен ривал Лео Меси да ја напушти Барселона и да се пресели во Италија.

Роналдо ова лето пристигна во Торино од Реал Мадрид, каде цела деценија водеше голема борба со Барселона, но и со Меси во индивидуалните признанија.

„Можеби ми недостасува Меси… Играв во Англија, Шпанија, Италија и Португалија, а тој и понатаму е во Шпанија. Животот е предизвик, јас ги сакам предизвиците, тие ги прават луѓето среќни“, изјави Роналдо.

„Би сакал Меси да дојде во Италија. Се надевам дека ќе го прифати предизвикот исто како мене, но ако е среќен во Барселона тогаш го почотувам тоа. Лео е фантастичен фудбалер и добро момче“, додаде Португалецот.

Меси и Роналдо се најдобрите фудалери во светот во последната деценија и двајцата имаат освоено по пет „Златни топки“.