Дома Фудбал Останато Роналдињо: И помалку да се забавував немаше да имам подобра кариера

Роналдињо: И помалку да се забавував немаше да имам подобра кариера

Бразилецот Роналдињо важи за еден од најдобрите фудбалери кои некогаш се појавиле, а тој тврди дека не би се променило многу во неговата кариера ако излегувал помалку.

Роналдињо беше почесен гостин на натпреварот на „Паркот на принцовите“ кога ПСЖ играше против Лајпциг. Тука се сретна со Меси со кого ја делеше соблекувалната во Барселона, но и со Нејмар со кого заедно настапуваше за бразилската репрезентација.

„Беше убаво да се видам со двајцата. Сите во Бразил знаат колку вреди Нејмар“, прокоментира Роналдињо па зборуваше за Меси.

„Со неговите квалитети се запознав во Барселона. Не мислев дека некогаш ќе игра за ПСЖ. Мислам дека овој тим на ПСЖ може до титулата во Лигата на шампионите. Кога во тимот иматте такви играчи нормално дека ќе мислите на големи работи“.

Потоа Роналдињо доби прашање дали смета дека би изградил подобра кариера ако помалку излегувал и се забавувал.

„Не жалам за тоа што сум го правел во минатото и мислам дека не би имал поголема кариера ако помалку се забавував“, смета добитникот на „Златната топка“ од 2005 година.

Коментари
Прочитајте поврзани статии
Load More In Останато

Проверете

Желбите на Конте за јануарскиот преоден рок

Новиот тренер на Тотенхем, Антонио Конте инсистира да бидат активни во јануарскиот преоден…