Ѓокереш одлучен во намерата: Не помислува да се враќа во Спортинг!

Шведскиот напаѓач Виктор Ѓокереш (27) ги презеде работите во свои раце кога станува збор за неговата намера да го натера раководството на Спортинг да го продаде на Арсенал.

Еден од најопасните напаѓачи во моменталниот фудбал изјави дека нема да тренира со тимот зошто сака да премине во Арсенал, и сега го одржа ветувањето.

Имено, подготовките на Спортинг започнуваат денеска, но тој одлучи да замине во Шведска и да не се појави на собирот.

Да потсетиме, договорот на Швеѓанецот со Спортинг е до 2028 година, но клаузулата за откуп изнесува 100 милиони евра.

Гокереш веќе прифати договор со Арсенал, но Спортинг сѐ уште не ја прифаќа понудата на англискиот клуб.

🚨❤️🤍 Виктор Гьокерес нема да се појави на тренинг во Спортинг денес, утре или воопшто ова лето.

Неговата одлука е јасна како што беше најавено неделава: тој сака само во Арсенал, сè е завршено со Спортинг.

Гьокерес уште пред 5 дена го информираше претседателот на Спортинг за ова. pic.twitter.com/JARkhRGO2B

— Fabrizio Romano (@FabrizioRomano) July 11, 2025

Швеѓанецот уште во текот на минатата сезона се договори усно со челниците на клубот да го напушти клубот доколку пристигне понуда од 60 милиони евра плус 10 преку бонуси, а Арсенал дури и ја надмина таа сума – понуди 65 милиони плус 15 преку бонуси, но од португалскиот клуб доби одбиеност.

Поради тоа, Гьокерес одлучи да тргне по потешкиот пат и ќе биде интересно да се следи како ќе се развива оваа навистина компликувана ситуација.

Ѓокереш се приклучи на португалскиот клуб во 2023 година како засилување од Ковентри во трансфер вреден 24 милиони евра, а минатата сезона преку сите натпреварувања собра 52 настапи, постигна 54 голови и 13 асистенции.