Перез и Алонсо „грмеле“ во соблекувална – ѕвездите добиле јасна порака

По тешкиот пораз од 0-4 против Пари Сен Жермен, раководството на Реал Мадрид испратило јасна и недвосмислена порака до фудбалерите: време е да престанат борбите на егото и да се стави крај на личните конфликти, објави шпанскиот спортски весник „Marca“.

Изворите блиски до клубот откриваат дека во соблекувалната владее напната атмосфера, со поделби меѓу одредени играчи и тензии кои, според управата, директно влијаеле на тимската хемија и резултатите на теренот. Поразот од ПСЖ не бил само спортски удар, туку и аларм дека мора да се врати единството и фокусот во тимот.

„Никој не е поважен од грбот на клубот“, било истакнато на интерна средба, каде што челниците повикале на дисциплина, заемна почит и заедничка цел – враќање на Реал на победничките патеки.

Клубот најавил внатрешни разговори со поединечни играчи доколку тензиите продолжат, а истовремено тренерскиот тим добил поддршка да преземе мерки со цел да се врати контролата и дисциплината во тимот.

Фото: Принтскрин