Роналдињо: Не сакам да го гледам Бразил

Легендарниот бразилски фудбалер Роналдињо е разочаран од бразилската репрезентација, која се подготвува за настап на Копа Америка.

На Бразил во последно време не му оди баш најдобро, а после ремито со САД, Роналдињо даде изјава која крена голема прашина.

„Нема да го гледам овој Бразил на Копа Америка. Нема да ги славам победите. Ова е еден од најлошите тимови во историјата на Бразил. Немаме лидер, само група која ја сочинуваат просечни поединци. Ова е тажен момент за сите кои го сакаат бразилскиот фудбал. Тешко е да се најде причина да се гледаат натпреварите“, изјави Роналдињо.